سلو اور کترینا کو ساتھ دیکھ کر مداح حیران

ممبئی: سلوبھائی کے سکینڈلز اکثر سامنے آتے رہتے ہیں لیکن سلمان خان اور کترینا کیف کے افیئرز اور علیحدگی کی خبریں ہمیشہ میڈیا اور اخبارات کی زینت بنتی رہتی ہیں اور کچھ عرصے سے یہ خبریں عام تھیں کہ سلو اور کترینا اب شاید ایک نہ ہوسکیں لیکن لوگوں کی یہ خام خیالی اس وقت غلط ثابت ہوئی جب یہ پریمی جوڑی ممبئی کے ایک کیفے میں سہانی شام کا مزہ لیتے ہوئے پائی گئی۔

بجلی کا شارٹ فال تین ہزار میگاواٹ تک پہنچ گیا

لاہور / پشاور : ملک میں بجلی کا شارٹ فال تین ہزار میگاواٹ تک پہنچ گیا ہے جس سے لاہور میں ہر گھنٹے بعد ایک گھنٹہ جبکہ صوبہ کے دیگر شہروں اور دیہات میں سولہ گھنٹے تک کی طویل اور غیر اعلانیہ لوڈشیڈنگ جاری ہے جس سے نظام زندگی مفلوج ہو کررہ گیا ہے .

بجلی کی باربار بندش کی صارفین کی گھریلو الیکٹرانکس کی اشیا بھی جل گئی ہیں ۔ بجلی کی اس طویل لوڈشیڈنگ سے صوبہ کی سمال انڈسٹری بند ہوگئی ہے اور ہزاروں افراد بے روزگار ہوکر گئے ہیں ۔ حکام کے مطابق موسم کی شدت اگر برقرار رہی تو لوڈشیڈنگ کا دورانیہ میں مزید اضافہ کیاجاسکتا ہے۔